ҚР Денсаулық сақтау министрлігі халықты профилактикалық медициналық қарап-тексеруден (скриниг) өткізу ережесіне өзгертулер енгізді. 30-70 жастағы әйелдер жатыр мойны обырына тексеруден өту скринингін– 4 жылда бір рет өтеді. Ағымдағы жылдың 1 тоқсанында 1537 әйел тексерістен өтті, 37 әйелден обыр алды ауруы анықталды (2,4%). 40-70 жас аралығындағы әйелдер сүт безі обырына тексерістен – 2 жылда 1 рет өтеді. 735 әйел маммографиялық тексерістен өтті, 8 адамнан жаңа өскіндер анықталды (1,1%). Колоректалды обырдың қауіпті тобына 50-70 аралығындағы әйелдер мен ер адамдар жатады, 2 жылда 1 рет тексерістен өтеді. Өткен кезең ішінде 1397пациент тексеріліп, аталған ауру анықталған жоқ. Артериалық гипертония, жүректің ишемиялық ауруы, қан диабеті, глаукоманы анықтауға скринингтік тексерістен 40 – 70 жас аралығындағы адамдар 2 жылда 1 рет өтеді. 2 мыңнан астам адам тексерістен өтті, қан диабетімен ауыратын 5 адам (0,2%) және глаукомамен 1жағдай (0,04%) анықталды.
№ 2, 3, 4, 21, 30 терапиялық учаскелерде скринингтік тексеріс өткізуде жоғары көрсеткіштерге қол жеткізді.
Профилактикалық медициналық қарап-тексерулер емханада тұрғылықты орны бойынша өткізіледі және ауруларды ерте анықтап, оларға тиімді ем қабылдау мақсатында жүргізіледі.
