Дүниежүзілік сүт безі обыры туралы хабардар болу күніне орайластырылған Ұлттық бағдарламаны іске асыру аясында 2025 жылғы 8 қазанда «№1 қалалық емхана» ШЖҚ КМК-да Ашық есік күні өтті, оған мамолог, акушер-гинеколог дәрігерлері, терапевт және жалпы практика дәрігерлері, әйелдерді қарап-тексеру кабинеті, СӨС мектебі қызметкерлері қатысты.
Емханада және учаскелерде сүт безі обырының алдын алу, салауатты өмір салтын насихаттау, мінез-құлық қауіп факторларының алдын алу, әйелдердің өз денсаулығы үшін ортақ жауапкершілігін арттыру және профилактикалық тексеруден, скринингтен бас тартудың салдары туралы түсіндіру мақсатында әңгімелесулер, сұрақ-жауап кештері, Денсаулық мектептерінде сабақтар өткізілді, санитариялық бюллетеньдер, санитариялық бұрыштар, сұрақ-жауап тақталары рәсімделді және орналастырылды.
Жалпы білім беретін мектептердің оқушылары арасында «Онкологиялық аурулардың алдын алу», «Сүт безі обырының алдын алу», «Сүт безі обырының қауіп факторлары», «Тиімді тамақтану», «Дене белсенділігі және денсаулық», «СӨС насихаттау» тақырыптарында сынып сағаттары өткізілді.
