Біздің емхананың қызметкерлері қала мектептерінде кездесулер мен дәрістер өткізіп, ата-аналар мен жасөспірімдерге адам папилломасы вирусына (АПВ) қарсы екпенің маңыздылығы туралы түсіндірді.
- АПВ дегеніміз не және ол қалай жұғады;
- Бұл вирус қандай ауруларды тудырады және неге вакцина салдыру маңызды;
- Вакцинацияны қай уақытта алған дұрыс;
- Неліктен екпе — онкологиялық аурулардың бірқатар түрінен сенімді қорғаныс болып табылады.
Ата-аналар қызығушылықпен тыңдап, сұрақтар қойып, мамандардан білікті жауаптар алды.
Мұндай кездесулер балалардың денсаулығына жауапкершілікпен қарауды қалыптастыруға ықпал етеді және маңызды ережені еске салады: Аурудың алдын алу — ең тиімді ем!
