Қазақстанда адам папилломавирусына (АПВ) қарсы иммундау бағдарламасын іске асыру жалғасуда. Бүгінгі таңда вакцинациялаудың бірінші кезеңі шеңберінде 11-13 жас аралығындағы 132 мыңнан астам қыз өтті, 15 мыңнан астамы вакцинаның екінші дозасын алды.
Науқан басталғаннан бері 147 мыңнан астам қыз вакцинациялаудың толық курсын аяқтады. Сонымен қатар, барлық егілген жағдайлардың арасында жағымсыз кері реакциялар тіркелген жоқ. Вакцина қауіпсіз, жақсы төзімді және Дүниежүзілік денсаулық сақтау ұйымы профилактиканың тиімді әдісі ретінде ұсынады.
АПВ-ның жоғары қауіпті онкогендік түрлері, атап айтқанда 16 және 18 — жатыр мойны обырының (ЖМО) дамуының негізгі себебі болып табылады. Вакцинациялау тұрақты иммунитетті қалыптастыруға және болашақта аурудың дамуын болдырмауға мүмкіндік береді.
Жыл сайын әлемде жатыр мойны обырынан 300 мыңға жуық әйел қайтыс болады. Қазақстанда жыл сайын ЖМО-ның 2 мыңға жуық жаңа жағдайы тіркеледі.
Ұлттық АПВ-ға қарсы вакцинациялау бағдарламасы жоспарлы түрде жүзеге асырылады және 11-13 жас аралығындағы барлық қыздарды қамтиды. Қазақстан онкологиялық ауруларды азайту және әйелдер денсаулығын сақтау мақсатында осы тәжірибені енгізген 135 елдің бірі болды.
