073/у, 075/у медициналық анықтамалар қазақстандықтарға тек электронды түрде беріледі. Азаматтардың қолайлылығы үшін қағаз анықтамаларды алып жүру қажеттілігі болмайды, олардың келісімімен электрондық анықтамалар талап ету бойынша қандай да бір мекемелерге берілетін болады.
Портал пайдаланушыларына жаңа қызмет eGov.kz жүргізуші куәлігін ресімдеу, ұзарту және қалпына келтіру, оқуға немесе жұмысқа түсу процесін едәуір жеңілдетеді.
Бұған дейін азаматтар бұл анықтаманы төрт бейінді маманнан (терапевт, психиатр-нарколог, офтальмолог және отоларинголог) медициналық тексеруден өткеннен кейін қағаз түрінде алған. Жаңа қызметтің арқасында eGov.kz порталында медициналық анықтаманы алу процесі жеңілдеді. Енді пайдаланушы медициналық тексеру аяқталғаннан кейін анықтаманы электрондық форматта алады, ал сандық құжат автоматты түрде бірыңғай деректер базасында сақталады.
Онлайн қызметті қалай алуға болады:
- eGov.kz порталына кіру және «Денсаулық сақтау - Медициналық көмек» бөліміне өту.
- «№ 073/у нысаны бойынша медициналық анықтама беру» қызметін таңдау.
- Қол қоюдың қол жетімді әдістерінің бірімен сұрау салуға қол қою.
Қызметті алу нәтижесінде мамандардың қорытындылары бар медициналық анықтама PDF форматында пайдаланушының жеке кабинетінде қолжетімді болады. Анықтама оны алған сәттен бастап бір жыл бойы жарамды болады.
