Сақтандырылмаған пациенттер Тегін медициналық көмек кепілдендірілген көлемі (ТМККК) аясында көрсетілетін қызметтерді ала алады, бірақ МӘМС жүйесі арқылы ұсынылатын қызметтерге қол жеткізе алмайды.
Әлеуметтік маңызы бар аурулар болған жағдайда, пациенттерге ТМККК шеңберінде консультативті-диагностикалық көмек және емдеу қызметтері көрсетіледі.
ТМККК шеңберіне кіретін қызметтер:
- Жедел медициналық көмек;
- Алғашқы медициналық-санитарлық көмек: учаскелік дәрігердің қабылдауы, ауруларды диагностикалау және емдеу, алдын алу, вакцинация, созылмалы аурулары бар пациенттерді диспансерлік бақылау;
- Созылмалы және әлеуметтік маңызы бар ауруларды емдеу үшін күндізгі және тәулік бойы стационардағы медициналық көмек;
- Туберкулез бойынша медициналық оңалту;
- Паллиативтік көмек;
- Ағза трансплантациясы;
- Шетелде емдеу;
- Дәрі-дәрмекпен қамтамасыз ету.
