Бүгін, 2024 жылғы 2 қыркүйекте № 1 қалалық емхананың ұжымы Қазақстан Республикасы Президентінің еліміздің дамуының маңызды аспектілері туралы жаңа Жолдауын тыңдады.
Қазақстан Президенті Қасым-Жомарт Тоқаев өз Жолдауында денсаулық сақтау саласына үлкен назар аударды.
«Бір-біріне байланысы жоқ ондаған бағдарлама мен ақпараттар базасының орнына бірыңғай мемлекеттік медициналық ақпарат жүйесін жасау керек. Жаңа жүйе, меншік түріне қарамастан, мемлекеттік тапсырыс алатын медицина мекемелерінің бәріне толық бақылау жасалуын және мәліметтердің шынайы болуын қамтамасыз етуі қажет. Үкімет осы маңызды мәселені шешуге дереу кірісіп, бұл бағыттағы жұмыстың барысы жөнінде маған және депутаттық корпусқа есеп беріп отыруға тиіс», - деді Мемлекет басшысы Қ.Тоқаев.
