ЖРВИ, тұмау және пневмококкты инфекцияның алдын алуға бағытталған «Ескерту. Қорғау. Екпе егу!» Ұлттық бағдарламасын жүзеге асыру аясында «№ 1 қалалық емхана» ШЖҚ КМК-да алдын алудың ең тиімді әдісі ретінде тұмауға қарсы вакцинацияға дұрыс көзқарасты қалыптастыру арқылы халықтың денсаулығын нығайтуға және сақтауға, адамдарға өздері және өз отбасы үшін денсаулықтарының пайдасына қарай таңдау жасауға және шешім қабылдауға көмектесуге, жұртшылықтың назарын тұмауға қарсы вакцинациядан бас тартқаннан туындайтын қауіптер мен салдарына аударуға, ЖРВИ, тұмау және пневмококк инфекциясының алдын алу шаралары туралы халықтың хабардарлығын арттыруға бағытталған бірқатар іс-шаралар өтті.
Айлық кезінде санбюллетендер, денсаулық бұрыштары, сұрақ-жауап тақталары рәсімделіп, орналастырылды. Емханада және учаскелерде «ЖРВИ, тұмау және пневмококк инфекциясының алдын алу», «Қыс мезгілінде тұмаудан қалай қорғануға болады», «Абайлаңыз тұмау!», «Тұмаудан ең жақсы қорғаныс – вакцинация!», «Вакцинация туралы мифтер мен шындық!» тақырыптарына семинарлар, әңгімелер, дәрістер, сұрақ-жауап сағаттары, денсаулық мектептерінде сабақтар өткізілді. Жалпы білім беретін мектептерде бейнероликтер көрсетіліп, сынып сағаттары өткізілді, «Тұмау» тақырыбына диктанттар жазылды.
