«№1 қалалық емхана» ШЖҚ КМК комплаенс-менеджері ұжыммен кездесу өткізді

№1 қалалық емханада комплаенс-менеджер мен медицина ұжымның қатысуымен Сыбайлас жемқорлықтың алдын алу бойынша кезекті жұмыс кездесу өтті. Бұл кездесудің мақсаты қызметкерлерде сыбайлас жемқорлыққа қарсы мәдениетті және сыбайлас жемқорлық көріністеріне нөлдік төзімділікті қалыптастыру болып табылады.
Бүгінде сыбайлас жемқорлық қоғамдық өмірдің барлық салаларына, саясатқа, экономикаға, әсіресе мемлекеттік қызметке – қазақстандықтар үшін үйреншікті болып қалғанын атап өту керек. «Сыбайлас жемқорлық» ұғымы медицина саласына енгені де қынжылтады. Осыған байланысты емханадағы сыбайлас жемқорлықтың жай-күйі туралы қызметкерлердің пікірін зерделеу мақсатында сауалнама жүргізілді. Спикер емхананың медицина қызметкерлері арасында өткен сауалнама нәтижелерімен таныстырды. Сауалнама нәтижелері бойынша келесі қорытындылар жасауға болады:

• «Сыбайлас жемқорлық» деген ұғымды барлығы біледі және оның теріс әсерімен барлығы келіседі;
• қызметкерлер сыбайлас жемқорлық мәселесіне бей-жай қарамайды және онымен күресу керек екеніне сенімді;
• №1 қалалық емханада сыбайлас жемқорлыққа қарсы іс-шаралар туралы қызметкерлердің хабардар болу деңгейін арттыру қажеттілігі бар.

Кездесу соңында комплаенс-менеджер Сыбайлас жемқорлыққа қарсы қызметтің call-орталығының нөмірімен, сондай-ақ сыбайлас жемқорлық фактілері туралы хабарлаған адамдарды көтермелеу туралы таныстырды.

Сондай-ақ, қызметкерлер комплаенс-менеджерге хабарласып, WhatsApp-та сыбайлас жемқорлық пен мүдделер қақтығысы фактілері туралы хабарлай алады +7 705 412 99 12 немесе 401 кабинетке келіп хабарлау мүмкіндігі бар.