«Әлеуметтік медициналық сақтандыру қоры» КЕАҚ Солтүстік Қазақстан облысы бойынша филиалы 2022 жылғы 22 желтоқсанда сағат 15.00-ден 17.00-ге дейінгі уақытта «City Mall» және Dostyq Mall екі сауда ойын-сауық орталығында өтетін «Мәртебеңізді тексеріңіз, сақтандырылыңыз!» акциясына қатысуға шақырады.
Бұл акция Солтүстік Қазақстан облысы әкімдігінің денсаулық сақтау басқармасымен бірлесіп жүргізілуде.
Акцияның мақсаты: тұрғындарды өз мәртебесін әртүрлі тәсілдермен тексеруге үйрету, міндетті медициналық сақтандырудың артықшылықтарын, төлем әдістерін және т.б.
Акция аясында «N1 қалалық емхана» ШЖҚ МКК, «N3 қалалық емхана» ШЖҚ МКК медицина қызметкерлері антропометрия жүргізеді, қан қысымын, қандағы қантты өлшейді және т.б. Сонымен қатар, Сіз салауатты өмір салты бойынша кеңес ала аласыз.
Шара барысында әрбір азаматтың сана-сезімін арттыру мақсатында МӘМС бойынша ақпараттық-түсіндіру жұмыстары жүргізіледі.
Байланыс телефондары: 555165, 555164, 87053206070
